影片
更多
2025-02-20
0 瀏覽
燒烤堂可以話係人氣日式串燒店之一，環境舒適，夠晒氣氛，當中亦有唔少呢度獨有的特式串燒，就等我為大家介紹一下!黎到燒烤堂，一定要試原塊雞皮，首先原塊上夠晒特別，另外雞皮夠薄，食落去超脆。調味方面只用鹽燒，簡簡單單已經足夠。串燒可以食到日本和牛，仲要係A4級數，只係$58蚊一串，價錢都算驚喜。調味都係簡單用鹽燒，可以食番和牛的味道，油香充足，入口即溶。厚切牛舌係每次黎到必點，因為真係啖啖肉，另外燒得好好，做到外脆內軟的口感。大家平時係西餐廳食羊架，兩小件都隨時百幾二百蚊，但呢道的羊架只係$48蚊一件，無任何羊騷味，仲要係超大件!呢道菜又係燒烤堂特色串燒之一，豚肉同節瓜互相交錯，做成波板糖的形狀，點埋月見蛋汁真係夠晒滋味。呢度除左肉類串燒外，海鮮都好正，例如燒蟶子，除左加蒜蓉粉絲外，仲加上辣欖角，令味道更多層次。雞皮墨魚滑又係呢度必叫之選，雞皮夠薄夠脆，唔會肥膩。而墨魚滑夠大件而肉質夠爽彈。豚肉配唔同生果原來都幾夾，味道同口感都好唔同，豚肉荔枝卷充滿甜的味道，而牛油果豚肉卷加埋紫菜充滿特別口感。雞類串燒係燒烤堂都有好多選擇，雞腿肉用鮮三黃雞，食落去夠Juicy，啖啖肉得黎又唔會鞋，而雞腿肉的
[鹽燒原塊雞皮]
黎到燒烤堂，一定要試原塊雞皮，首先原塊上夠晒特別，另外雞皮夠薄，食落去超脆。調味方面只用鹽燒，簡簡單單已經足夠。
[鹽燒A4宮崎和牛]串燒可以食到日本和牛，仲要係A4級數，只係$58蚊一串，價錢都算驚喜。調味都係簡單用鹽燒，可以食番和牛的味道，油香充足，入口即溶。
[厚切牛舌拖羅]
厚切牛舌係每次黎到必點，因為真係啖啖肉，另外燒得好好，做到外脆內軟的口感。
[秘製燒羊架]大家平時係西餐廳食羊架，兩小件都隨時百幾二百蚊，但呢道的羊架只係$48蚊一件，無任何羊騷味，仲要係超大件!
[豚肉節瓜波板糖]呢道菜又係燒烤堂特色串燒之一，豚肉同節瓜互相交錯，做成波板糖的形狀，點埋月見蛋汁真係夠晒滋味。
[欖角蒜蓉粉絲燒蟶子]呢度除左肉類串燒外，海鮮都好正，例如燒蟶子，除左加蒜蓉粉絲外，仲加上辣欖角，令味道更多層次。
[雞皮墨魚滑]雞皮墨魚滑又係呢度必叫之選，雞皮夠薄夠脆，唔會肥膩。而墨魚滑夠大件而肉質夠爽彈。
[豚肉荔枝卷‧牛油果豚肉卷]豚肉配唔同生果原來都幾夾，味道同口感都好唔同，豚肉荔枝卷充滿甜的味道，而牛油果豚肉卷加埋紫菜充滿特別口感。
[鹽燒鮮三黃雞腿肉]雞類串燒係燒烤堂都有好多選擇，雞腿肉用鮮三黃雞，食落去夠Juicy，啖啖肉得黎又唔會鞋，而雞腿肉的雞皮都係燒得香脆。
食到最後，就食埋惹味的川式燒茄子同埋蜜糖燒菠蘿作為甜品作結。食串燒當然要飲野，呢度的啤酒買一送一外，有一款特飲[青檸菠蘿梳打]係我推介之一，啖啖菠蘿肉，又夠大杯，超抵飲。
其實呢度我仲有好多款串燒都未試，希望下次有機會再為大家品評一下!張貼
