隱町 (花園街) (已搬遷) 新店位置

今次同朋友食飯，特登揀左間隱世小店 ，係小巷內嘅一間居酒屋，麻雀雖小但五臟俱全，裝修好有日本風味，仲有bar枱可以睇住師傅整。我地先叫左個廚師精選沙律，師傅話每日沙律嘅款式都會唔同，而我地今日個個就係麻醬豆腐沙律。菜新鮮夠哂fresh, 豆腐滑同芝麻醬一齊食有幾夾就唔洗講。之後就係上燒物啦，我地叫左汁燒雞肉蔥蒜，雞皮唔會有好肥好油嘅感覺，雞肉多汁有雞味，加上燒汁同蔥蒜，又香又juice。另外一款免治牛肉棒配日本初生蛋，口感好特別，免治牛肉入口散得黎有生雞蛋漿黏住，滑溜又香。仲有一個好少會食嘅燒白鱔，一啲都唔腥，魚油香味好濃，燒完唔會話變到好細舊冇肉食。最好味一定係青葡萄豚肉卷，豚肉包住粒燒過嘅青提，咬落去青提汁爆出黎，好青甜，中和燒豚肉及其他燒物嘅油膩感覺。另外都有叫其他牛豬燒物，大部分都屬中上水平，值得一試。另外仲叫左個冷盤今企好驚艷，椒鹽五花腩青瓜絲沙律。五花腩加上椒鹽非常香口，同事撈埋青瓜絲一齊食，又脆又稔，又凍又熱，加上味道十足，鹹撞上青瓜嘅爽甜，配得非常好。最後仲有一個飯團同埋芝麻雞翼。飯團有飯焦，好香口。芝麻雞翼炸到外脆內滑，做左個完美嘅總結。