瀛豐放題料理專門店

營業中

休息中

同朋友去銅鑼灣行街食lunch😋 估唔到呢間日式放題店午餐有親民價嘅lunch set揀，有十幾款選擇，每款set都包一碗湯和一罐飲品，我揀咗北海道刺身丼 ，一上枱刺身舖滿成個碗，好吸引啊， 刺身有牡丹蝦、三文魚、帶子、魚籽等等，全部都係厚切，入口好新鮮多汁，底層嘅飯都好足料啊，$78黎講，CP值好高我見隔離枱就食午市放題，原來都有好多刺身、壽司、熟食、炸物、泰式小菜、天婦羅、甜品等等任揀任食，質素都好高，好值得同親朋戚友去食😋大推啊最後，環境同服務都好好，店員哥哥好親切有禮，我見有長者查詢午餐詳情，店員哥哥都好有耐性慢慢解答，好有人情味😊🫶