壽司豐 (已結業)

最近終於安頓好兄妹的作息時間，可以約朋友去嘆個午餐，偶然來個高質的定食獎勵自己，享受食物之餘更珍惜同朋友相處的時光。白之戀人便當盒非常吸睛，二話不說就選定它了！每一格都擺放得好精緻，相機食先是必須的。【穗·日替定食】最欣賞日式定食 ─有齊我喜歡的元素！有前菜開始到甜品都令人滿意。前菜有菠菜芝麻醬配鮮蝦茶碗蒸、真鯛，配上自製海膽粉；再來主菜鰹魚、大拖羅、白拖羅、當中最喜歡北海道帶子，厚身大粒又鮮味、配上魚籽非常鮮甜；還有熟食的油甘魚餃配酸汁配白飯及味噌湯，有澱粉質到肚特別滿足！最後是甜品（或咖啡二選一）愛甜如我，當然選了士多啤梨蛋卷，有驚喜！中間的新鮮忌廉及士多啤梨果蓉甜度適中，約定朋友要再來呢。