大吉居酒屋 (已結業)

星期六約咗好朋友出中環行街shopping🛍 ，行到六點幾就開始覺得攰 ，但係又唔係好肚餓住😬，朋友就建議上🌸大吉居酒屋🌸食少少嘢坐下休息一陣。 原來呢間大吉居酒屋之前係做放題嘅，近來先至轉型做咗居酒屋 😮，咁就一於上去坐下囉。佢係喺一幢大廈嘅二樓，上到去發現格局真係好日本feel 。用咗好多木嘅裝修而且又掛滿旗仔 🎏，四周圍仲放滿唔同嘅酒 🍶，鍾意飲酒嘅朋友一定啱曬。見佢個餐牌都有好多唔同嘅日式食物，有壽司、刺身、炸物同其他熟食等等🍣。我畀佢個海膽三重奏吸引住。個餐牌寫住佢有牡丹蝦，海膽，吞拿魚仲有三文魚子去組成一個海膽三重奏杯😍實物上到嚟之後發現佢仲有一啲蟹肉蟹籽同飯墊底，亦有一啲用清湯整成嘅透明啫喱凍。侍應仲另外畀咗一啲紫菜我哋，話係可以用嚟包住呢個飯嚟食。食落去海膽鮮甜而且吞拿魚一啲都唔腥 ，無論包紫菜定就咁潷嚟食都好好食，口感好豐富。赤味噌煮牛筋牛舌 配咗半個糖心蛋😃 啲牛煮到入曬味牛筋夠林， 呢個用嚟送飯應該會非常一流🍚汁燒魷魚筒 呢個魷魚筒分量夠曬多 。雖然話係汁燒但係唔會整到好乾，魷魚食落好彈牙， 調味都剛剛好，不知不覺食下又一舊，食下又一舊👍🏼亦都要讚下啲侍應非常有禮