影片
更多
2023-11-16
218 瀏覽
呢日去南昌探朋友，一齊喺附近嘅VWalk商場食飯。朋友推介下，揀咗商場地下一間日式餐廳。餐廳充滿日式風情，感覺舒適。餐牌選擇頗多，我哋見個二人套餐幾啱食，價錢都算抵食。二人套餐（$468），包咗八樣食物，前菜主菜都有啲不同種類嘅選擇，仲有甜品，感覺豐富。蟹肉野菜沙律 - 蟹肉配上新鮮嘅沙律菜，加上惹味嘅芝蔴醬，好開胃嘅前菜。三色刺身，包括有三文魚、赤蝦、油甘魚各兩片。剌身非常新鮮，鮮甜美味。鐵板炭火雞 - 未食已經聞到好香，雞肉入口嫩滑，好香口入味。鹽燒鯖魚 - 鯖魚燒得好香，入口肉質鮮嫩，點埋醬汁食更加好味。美國牛肉火鍋 - 牛肉分量唔少，油脂分佈平均，質素唔錯。火鍋入面亦有多款蔬菜，平衡返肉嘅肥膩感。軟殼蟹卷 - 呢個十分香口，軟殼蟹炸得好脆，配埋紫菜飯卷食真心正。甜品係蕨餅，有兩種口味，每款各兩粒。蕨餅入口煙靭，味道不錯。小店食物質素唔錯，環境亦舒服好坐，適合同朋友食飯傾偈。
二人套餐（$468），包咗八樣食物，前菜主菜都有啲不同種類嘅選擇，仲有甜品，感覺豐富。
蟹肉野菜沙律 - 蟹肉配上新鮮嘅沙律菜，加上惹味嘅芝蔴醬，好開胃嘅前菜。
三色刺身，包括有三文魚、赤蝦、油甘魚各兩片。剌身非常新鮮，鮮甜美味。
鐵板炭火雞 - 未食已經聞到好香，雞肉入口嫩滑，好香口入味。
鹽燒鯖魚 - 鯖魚燒得好香，入口肉質鮮嫩，點埋醬汁食更加好味。
美國牛肉火鍋 - 牛肉分量唔少，油脂分佈平均，質素唔錯。火鍋入面亦有多款蔬菜，平衡返肉嘅肥膩感。
軟殼蟹卷 - 呢個十分香口，軟殼蟹炸得好脆，配埋紫菜飯卷食真心正。
甜品係蕨餅，有兩種口味，每款各兩粒。蕨餅入口煙靭，味道不錯。
小店食物質素唔錯，環境亦舒服好坐，適合同朋友食飯傾偈。
張貼
