影片
更多
2024-10-17
395 瀏覽
逢星期二晚都係麥皮媽嘅 me Time 時間，當然要約朋友食飯傾下計啦！大家都係住港島，所以我哋揀左喺希慎Urbanhood B2 嘅日式料理居酒屋「禾日」！餐廳以日式設計，挺高級又舒適，而且佢哋用嘅係日本🇯🇵米架！餐牌上食物款式都好多，各種類型嘅日式料理都有，就算唔食生野嘅朋友都有其他選擇！🌟 禾日炸物三種盛一次過有三款炸物小食，包括唐揚雞軟骨、炸富山灣小白蝦、唐揚小池魚，好少見有炸小白蝦，好特別，全部都炸得香脆而不油膩，傾計佐酒一流！🌟 宮崎和牛·極上壽司盛（12款）12件壽司每件都新鮮，用料靚又大件，有穴子壽司、三文魚子軍艦、海膽軍艦都已經好抵食，海膽壽司仲要滿滿的！另外仲有上枱即灸嘅宮崎和牛，店員用火鎗灸至半生熟，入口充滿油香，而且牛味濃郁👍🌟 禾日燒鵝肝厚切鵝肝非常吸引，配以特製醬汁調味，甜甜地再夾埋香脆多士，令鵝肝食落唔太膩！🌟 厚切牛舌芯好驚有啲舖頭怕唔熟燒到勁乾！呢間燒牛舌係全部使用牛舌芯部位置，亦係最淋最易咬到嘅位置！燒到剛剛好熟嘅口感、易入口仲帶有濃香牛味！🌟 燒年糕（海苔醬油）燒年糕係居酒屋必點之物，上枱後一定要即食，年糕外脆內軟，配以海苔醬油，增添鹹鹹甜甜嘅味道
大家都係住港島，所以我哋揀左喺希慎Urbanhood B2 嘅日式料理居酒屋「禾日」！餐廳以日式設計，挺高級又舒適，而且佢哋用嘅係日本🇯🇵米架！餐牌上食物款式都好多，各種類型嘅日式料理都有，就算唔食生野嘅朋友都有其他選擇！
🌟 禾日炸物三種盛
一次過有三款炸物小食，包括唐揚雞軟骨、炸富山灣小白蝦、唐揚小池魚，好少見有炸小白蝦，好特別，全部都炸得香脆而不油膩，傾計佐酒一流！
🌟 宮崎和牛·極上壽司盛（12款）
12件壽司每件都新鮮，用料靚又大件，有穴子壽司、三文魚子軍艦、海膽軍艦都已經好抵食，海膽壽司仲要滿滿的！另外仲有上枱即灸嘅宮崎和牛，店員用火鎗灸至半生熟，入口充滿油香，而且牛味濃郁👍
🌟 禾日燒鵝肝
厚切鵝肝非常吸引，配以特製醬汁調味，甜甜地再夾埋香脆多士，令鵝肝食落唔太膩！
🌟 厚切牛舌芯
好驚有啲舖頭怕唔熟燒到勁乾！呢間燒牛舌係全部使用牛舌芯部位置，亦係最淋最易咬到嘅位置！燒到剛剛好熟嘅口感、易入口仲帶有濃香牛味！
🌟 燒年糕（海苔醬油）
燒年糕係居酒屋必點之物，上枱後一定要即食，年糕外脆內軟，配以海苔醬油，增添鹹鹹甜甜嘅味道！
🌟 自家製日本免治雞棒配日本雞蛋
免治雞棒配日本雞蛋令雞棒更滑溜，每次吃串燒都必點的！
🌟 雙色刺身丼（三文魚、油甘魚）
丼飯絕對係飽肚之選，三文魚及油甘魚各三片，仲係厚切的，份量都唔少！
張貼
