明道

營業中

休息中

銅鑼灣亨利中心有唔少優質餐廳，呢日朋友揀咗呢間日式餐廳。餐廳走日式木系風格，佈置雅緻。除一般餐枱外，亦有吧枱，更有一間獨立房，環境相當舒適。午餐有多款套餐選擇，套餐包括蒸蛋、麵豉湯、主食、餐飲或雪糕，價錢由$158- $368不等。日式蒸蛋 - 首先要讚吓佢上枱夠晒熱辣辣，蛋蒸得非常滑溜，入面有白果、蟹柳同埋冬菇，味道相當唔錯。海鹽或汁燒活鰻魚飯 （$268）- 店員推介下，我哋揀咗海鹽燒活鰻魚飯。呢個鰻魚飯非常有驚喜，鰻魚燒得非常香脆，加埋海鹽調味，味道好有層次。鍾意食鰻魚嘅朋友，一定要試吓。銀鱈魚西京燒（$198）- 銀鱈魚燒得好香，肉質鮮嫩好味，點埋醬料一齊食，好開胃好味嘅一餐。雪糕可點開心果或咖啡味，我哋點咗開心果味，入口帶濃濃開心果味，質地軟滑。餐廳環境舒適，座位闊落，食物質素相當高，價錢合理，啱晒同朋友傾偈食飯，值得推介。