漁屋日本料理 (海寶花園) (已結業)

是日走咗去大埔探朋友，再齊齊去漁屋度食放題晚餐。其實都唔係第一次去，去咗幾次對佢嘅食物質素都有信心。我哋一嚟到就係咁嗌最鍾意食嘅野，特別推薦第一次黎嘅朋友，記住試下佢個炒飯！放題食炒飯？係呀！真係好夠火喉，好好味架。刺身呢就一定要食甜蝦，好新鮮又彈牙。嘢食陸續送上，食物味道一如既往地好，今次仲第一次試咗個牛仔骨，甜甜哋，好好味！飲品選擇好多。不過，甜品選擇就少啲，除咗雪糕，今日仲食咗個果盤，好新鮮，好好味！以呢個價錢食放題絕對係經濟實惠嘅選擇。