影片
更多
2022-01-01
292 瀏覽
🍴賀天 Ga Ten Japanese Restaurant📍將軍澳唐俊街28號海天晉滙1樓104-105號舖之前喺海天晉滙商場已經試過一啲新餐廳，今次繼續發掘美食，去咗呢間新開嘅日本餐廳，店內裝潢用上淺木系日式風格，感覺清雅。餐廳主打各式日本料理和壽司刺身，迎接新一年，一於食得豐盛啲！.🐟 特上剌身盛 $328配麵豉湯、珍珠米白飯、土佐豆腐、沙律、甜品✧刺身擺盤精美，有三文魚、吞拿魚上腩、油甘魚、金目鯛、赤牡丹蝦及活赤貝。刺身非常厚切新鮮，入口鮮美。吞拿魚上腩肥美富魚油脂香，有入口即融嘅感覺，金目鯛肉質鮮嫩結實，活赤貝口感爽脆。✧配菜土佐豆腐表面沾上木魚碎，炸得外酥內軟，配上微甜醬汁及辣蘿蔔蓉，簡單食材做出美味！麵豉湯加入大蜆多一份鮮味。.🍸 碎蔥吞拿魚腩杯飯 +$58(套餐加配)杯飯賣相小巧精緻，碎蔥吞拿魚腩份量足，入口軟嫩無筋。.🗻 壹玖叁 +$48(套餐加配)紫藍色嘅蝶豆花茶配上奶蓋，再加上富士山造型啫喱，味道甜潤，賣相好靚啱晒打卡。.🍣 廚師發板精選時令六本壽司 • 磯煮鮑魚杯飯 $288配廚師發板小卷三本、日式前菜、麵鼓湯、甜品✧六本壽司有火炙吞拿魚腩壽司、池魚壽司、甘海
📍將軍澳唐俊街28號海天晉滙1樓104-105號舖
之前喺海天晉滙商場已經試過一啲新餐廳，今次繼續發掘美食，去咗呢間新開嘅日本餐廳，店內裝潢用上淺木系日式風格，感覺清雅。餐廳主打各式日本料理和壽司刺身，迎接新一年，一於食得豐盛啲！
.
🐟 特上剌身盛 $328
配麵豉湯、珍珠米白飯、土佐豆腐、沙律、甜品
✧刺身擺盤精美，有三文魚、吞拿魚上腩、油甘魚、金目鯛、赤牡丹蝦及活赤貝。刺身非常厚切新鮮，入口鮮美。吞拿魚上腩肥美富魚油脂香，有入口即融嘅感覺，金目鯛肉質鮮嫩結實，活赤貝口感爽脆。
✧配菜土佐豆腐表面沾上木魚碎，炸得外酥內軟，配上微甜醬汁及辣蘿蔔蓉，簡單食材做出美味！麵豉湯加入大蜆多一份鮮味。
.
🍸 碎蔥吞拿魚腩杯飯 +$58(套餐加配)
杯飯賣相小巧精緻，碎蔥吞拿魚腩份量足，入口軟嫩無筋。
.
🗻 壹玖叁 +$48(套餐加配)
紫藍色嘅蝶豆花茶配上奶蓋，再加上富士山造型啫喱，味道甜潤，賣相好靚啱晒打卡。
.
🍣 廚師發板精選時令六本壽司 • 磯煮鮑魚杯飯 $288
配廚師發板小卷三本、日式前菜、麵鼓湯、甜品
✧六本壽司有火炙吞拿魚腩壽司、池魚壽司、甘海老壽司、帶子壽司、黃金松葉蟹肉壽司及海膽壽司，小卷三本係吞拿魚腩。吞拿魚腩經火炙，魚油更加甘香豐腴，池魚肉質爽口帶脂香，黃金松葉蟹肉伴入蛋黃醋更捉升蟹味，六本壽司各有風味！
✧磯煮鮑魚杯飯
磯煮鮑魚口感Q彈，配上蟹膏更鮮味濃郁。
.
🍙 賀天招牌卷 +$48(套餐加配)
鰻魚卷物包住玉子、牛油果、蟹柳及蟹籽，口感豐富。
.
🍢 柚子燒日本黑豚肉 $68 • 蒲燒白鱔 $68
點咗兩款串燒，燒日本黑豚肉油脂均勻，肉質油潤爽彈帶柚子清香，蒲燒白鱔外皮微微焦香，肉質爽滑。
.
🐥 七味雞軟骨 $48
雞軟骨炸得香脆好有咬口，唔會有油膩感，蘸埋七味粉沙律醬，香口滋味食唔停口。
.
🥚 玉子壽司 $12
見到menu張相完全唔似食開嘅玉子壽司，所以試吓。玉子係用焗嘅做法，中間夾飯，賣相、味道及口感都好似蛋糕，幾特別！
.
總括而言：餐廳空間寬敞，用餐環境舒適，有普通座位、omakase吧枱、榻榻米和室，仲有露台座位可以帶寵物ฅ^•ᴥ•^ฅ一齊食嘢。食材新鮮高質，賣相同味道都相當不錯。整體食物、環境及服務都令人滿意，係慶祝及聚餐嘅好選擇(●'◡'●)ﾉ
張貼
