黑門水產すいさん (棉登徑)

營業中

休息中

今日午餐同男朋友食豪啲，黎到尖沙咀食日本料理。刺身六盛有三文魚、立魚、油甘魚、海膽、吞拿魚、帶子。全部都好新鮮又甜美，而且係厚切，食到舔舔脷。黑門令大漁魚子醬脆脆包好好食，脆包上鋪左一層吞拿魚蓉，吞拿魚蓉上面再鋪左海膽、魚子醬、蝦、三文魚籽、蟹籽，十分豐富。海膽炒飯勁足料，除左海膽，仲有三文魚、魷魚等材料，樣樣份量十足，絕不欺場。赤鬼海老天反卷又係好足料，鋪滿三文魚籽同蟹籽，好滿足。磯燒岩手蠔一本，有人會幫你燒埋，蠔超肥美，啖啖肉。黑門令蟹味噌甲羅燒賣相吸引，配紫菜梳打餅食，蟹味勁出，好濃味，正。海底之心由伏特加、菠蘿、白桃、梳打、藍色糖漿制成，一啲都唔苦，岩女仔飲。Highball就酒味濃啲，男朋友話飲到有威士忌。