漁釧 (將軍澳中心) (已結業)

抗疫多時，幾個月冇出街食晚飯，終於都可以夜晚出下去食飯，感動唔駛講，一定係食日本野啦，今晚黎到將軍澳食呢間漁釧，餐廳既環境都幾舒服，岩哂慢慢食慢慢傾。Menu既選擇都非常多，一定揀到岩心水既野食！網燒牛肉野菜沙律沙律、車厘茄都帶有酸酸的味道，網燒牛肉點佢特制既甜甜酸酸醬汁，都幾開胃！火炙鵝肝壽司一口一件，鵝肝燒到岩岩好火喉，響口入面溶化，真係好正！火炙三文魚卷唔係普通既三文魚卷甘簡單，好特別，外面火炙三文魚，而裡面做到脆卜卜用飯包住，口感味道一流，性價比高，明顯帶一點心思鹽燒牛舌、燒豚肉牛油果串燒牛舌推薦，因為真係好爽口，唔會韌，調味岩岩好，而豚肉包牛油果呢個match都幾新穎，效果都唔錯，餐廳整體食物質素唔錯！