和牛燒肉‧純 (已搬遷) 新店位置

平時都好少食和牛，難得一次食到和牛，於是就搵間好食啲㗎喇。我同朋友兩個人就去咗銅鑼灣一間和牛燒肉店，兩個人叫咗四個牛肉部位食，本身以為會唔夠食，但其實和牛脂肪比例咁重，咁嘅份量都足夠兩個人食，加埋白飯一齊食，真係好滋味。白飯 $30/碗係用上日本米嘅白飯。特選日本產和牛西冷 $560西冷係呢一餐嘅重點，大大塊嘅西冷，餐廳已經一早幫你切好咗，方便你燒，因為西冷最重味，所以應該留到最後先食。特選日本產和牛牛排肉 $330日本產和牛上牛排肉 $218特選同普通嘅牛排肉望落去嘅雪花雖然差唔多，但食落嘅口感就好大分別，食落嘅口感真係價錢上可以反映出嚟。牛舌 $118牛舌其實已經比出邊一般嘅牛舌好好多，牛舌作為前菜，先開開個胃。Perrier $35叫咗杯有汽礦泉水，因為食燒肉真係幾口渴，最後餐廳仲會主動提供一杯焙茶俾我哋，真係幾貼心。