八吉 (已結業)

屋企人生日想食好D, 特別訂左呢間食日本菜, 環境好日系風格, 感覺不錯.生日要食好D, 所以要左刺身併盤, 原條魚刺身上, 睇見都覺得好新鮮, 每件都切得厚厚的, 口感一流. 帶子食落夠鮮甜, 唔洗點醬油都已經夠味. 油甘魚同吞拿魚夠彈牙且嫩滑, 三文魚魚油豐富, 池魚甘香鮮味, 夠突出.仲有AGU豬, 輕輕地燒熟之後, 發出陣陣既肉香, 入口軟嫩而滑溜, 肉味濃香, 夠JUICY, 簡單調味已經足夠, 夠晒滿足.