霜月居酒屋

營業中

休息中

身邊有位好中意食日本菜既朋友，咁耐冇見都係食日本野🤣🤣！今次去左間居酒屋位於佐敦白加士街，旺中帶靜。餐廳以木系為主，牆上掛有日本畫，播放住日文歌，甚有氣氛。明太子玉子燒 $48玉子燒蛋香味濃，口感綿密順滑，仲要配搭埋我最愛既明太子醬，私心推介。牛肉秋葵卷 $33秋葵脆嫩、黏滑既口感配搭牛肉又出奇地夾，簡單調味已經好好食。厚燒仙苔牛舌 $43牛舌十分厚切，入口爽脆多汁，有嚼勁而唔韌。霜月刺身五點盛 $238包括三文魚、油甘魚、鰹魚、甜蝦同埋帶子。樣樣都好鮮美！三文魚腩十分厚切😍肥美嫩滑，油脂滿滿，入口即溶。甜蝦肉質細綿、味道甜美。霜月卷 $188卷物上面有海膽、吞拿魚蓉同埋三文魚籽，非常豐富。吞拿魚蓉幼細香滑，口感軟綿綿。海膽味道濃厚甘甜。文魚籽粒粒都脹卜卜好飽滿，滿滿魚油滲進口中。滿足。特選壽司盛 - 霜 $198呢款特選壽司盛有八款唔同嘅壽司，包括赤身、油甘魚、三文魚、紋甲魷魚、左口魚邊、甜蝦、穴子同埋海膽。穴子肉質細膩鮮甜，淋上特調既醬汁，好味！海膽幼滑甘香。左口魚邊咬落既爽又甜，魚油緩緩滲出，層次豐富。