老掌櫃東北菜館 (海之戀商場)

營業中

休息中

行開荃灣Donki一出門口就見到有間東北菜館，見到價錢唔貴仲要冇加一，室內座位滿晒所以坐左座外望海景都唔錯。北京填鴨半隻$168一坐低店員就問我地會唔會食北京填鴨，幫我地即刻留半隻。最後黎到嘅鴨肥瘦岩岩好，片得好靚薄薄地咁食唔會太油膩，鴨皮脆口，肉質鮮嫩多汁，每一啖都好香鴨味，連埋青瓜韮黃食好滿足。酸辣湯 $64呢個係我食過最足料嘅酸辣湯，入面有滿滿嘅酸荀同肉絲，味道偏酸少辣，食落去好開胃。油潑麵 $44第一次食油潑麵，係用好彈牙嘅麵條上面再加上大量嘅辣椒，撈埋一齊食酸酸辣辣咁，呢碗麵嘅辣唔講得笑，辣到飛起，真係好食得辣嘅先會挑戰到。紅油抄手 $48紅油抄手正常發揮，鮮內餃子配上紅油酸辣汁，餃子都算足料多肉，如果再辣多少少就更加好食啦。