酒津

營業中

休息中

銅鑼灣呢個地方真係美食雲集，今日我哋食嘅呢間日本居酒屋我俾咗好大嘅驚喜我哋！嗱嗱臨同大家分享吓先！刺身盛我哋叫咗一個刺身拼盤，裏面有帶子，吞拿魚腩，拖羅，油甘魚，赤蝦，海膽等等，不得不說佢哋嘅用料全部都好講究，每一款都好好味！印象最深嘅係佢個帶子，好鮮甜！另外赤蝦都好正，咬落去軟軟糯糯，夠曬鮮美！安格斯肉眼厚燒呢個肉眼燒都唔錯，佢選用嘅係高質嘅安格斯牛，而裏面就包裹住蔥絲，安格斯煎到脆脆地，咬落去啲牛肉汁混和住蔥嘅清香一齊併發出嚟，口感好豐富！燒雞皮佢哋嘅燒雞皮好特別，唔會好似外邊咁一串串燒，而係一片片咁樣攤薄嚟燒！所以個雞皮特別薄同脆！不錯！牛肉卷鵪鶉蛋呢個係店員推介嘅其中一串燒，果然有驚喜！佢係用牛肉片捲着一粒鵪鶉蛋，呢個搭配好新鮮！外層嘅牛肉有少少脆身，裏面嘅鵪鶉蛋咬落好Creamy，兩者融合得相當好！大贊！海膽蟹柳烏冬呢個烏冬絕對值得一試！佢個烏冬係凍嘅，每一寸都包裹着海膽，而且佢哋用嘅海膽好高質素，好Creamy又好香濃！我哋九秒九已經食晒！厚岸蠔最後我哋都嗌咗兩隻蠔，佢哋選用嘅係日本嘅厚岸蠔，佢隻蠔好大隻，而且係新鮮到食之前都仲係郁緊嘅！上面點綴左一啲醬汁同埋大大粒嘅蝦子，