Little Fresh Cafe & Bar

營業中

休息中

旺角嘅嘢食一向都有好多，呢排俾我發現咗一間樓上嘅西餐，嘢食都好唔錯。我晏晝去食嘅時候，佢有一個午市套餐，佢嘅套餐可以有一個餐湯或者沙律，然後再配埋個主食同埋有一杯飲品。佢每日嘅餐湯都唔一樣，今日嘅餐湯係羅宋湯，隔離仲會有一個好香好脆嘅蒜蓉作為配搭。主食嘅話，我叫咗一個美國豬梅肉扒，會配搭適量薯蓉同蔬菜。廚師會特登為你煮到七成熟，令個風味更加Juicy 。我哋另外仲嗌咗一份鵝肝菌汁南非鮑魚仔意大利雲吞，裏面會有細細隻嘅鮑魚仔，煙靭彈牙，佢調味仲加咗少少辣椒，令到個風味更加上一層。飲品方面，我哋分別叫咗一杯凍檸水同埋橙汁，橙汁仲會用高腳杯，裝住非常寫意。