Classy Le Carré

營業中

休息中

餐廳裝修好有feel, 暗暗燈光加埋枱上燭光，夜晚情侶嚟特別浪漫。我同太太點咗以下菜式。法國膏蟹意大利飯配黑醋醬；意大利飯口感唔會太爛，仲保留到飯粒口感，配埋蟹肉好香口，好濃。食時加埋碟邊嘅黑醋醬微微酸甜更加開胃。慢煮和牛牛面頰配意式玉米糕（松露呠酒燒汁）睇賣相以為係好濃味嘅菜式，但原來唔算濃，牛面頰仍然保留到原味，而且好軟，入口一咬就化開。玉米糕係炸嘅，入面質感有啲似薯蓉同麻薯之間，幾得意。愛麗絲夢遊賣相勁靚，係一杯果味嘅酒。酒味算濃。入口幾甜，微酸嘅菠蘿味65% Grenada朱古力內容有雲呢拿，香蕉味道，夠濃滑，口感豐富，值得一試。