影片
更多
2025-02-22
0 瀏覽
新年食得多中菜，終於可以食其他菜式，泰菜我們來也。好彩有訂位，坐坐下都幾乎滿坐，仲坐到側邊圓形卡位，坐得舒服。友人唔食得辣，今晚改飲椰子鷄湯 ($138)，呢個細份量，都夠2-3人飲用。材料除咗有鷄件外，仲有大量菇，加入香葉與椰奶一齊煲，淡淡椰香味唔會過膩，要趁熱飲多碗。呢客薑汁炒芥蘭 ($98)，炒得夠爽脆，無一條有渣，份量相當對眼。炸物代表係泰式炸物拼盤($238)，包括炸魚餅，蝦餅，咖喱角及鷄翼，陣容相當鼎盛。炸蝦餅相當紮實，表面唔油，點泰式酸辣醬食，岩數。仲有咖喱角，皮脆內係咖哩餡料，點千島醬食都好味喎。點都需要D澱粉質，就叫咗呢客甜酸鳯尾蝦金邊粉 ($128)金邊粉份量都唔少，味道酸酸甜甜好易入口，碟邊仲有炸蒜/辣椒籽/砂糖配食。蝦隻唔算太大但入口幾彈牙。呢度有相當多嘅特飲，大部份都賣相吸引，就好似今晚呢杯:泰牛($68)，一半係泰奶，一半係泰奶冰，而隻咁得意嘅熊仔係由茶整成嘅，保證飲到最後一啖都係冰凍同夠茶味。綠茶鮮奶($58)，用隻菠蘿型狀嘅杯裝住，上綠下白，搞均下就變成綠茶鮮奶，輕微綠茶味但幾香滑。泰菜甜品大佬芒果糯米飯呢度都有。但被呢客彩虹椰汁糕 ($50)所吸引。顏
好彩有訂位，坐坐下都幾乎滿坐，仲坐到側邊圓形卡位，坐得舒服。
友人唔食得辣，今晚改飲椰子鷄湯 ($138)，呢個細份量，都夠2-3人飲用。
材料除咗有鷄件外，仲有大量菇，加入香葉與椰奶一齊煲，淡淡椰香味唔會過膩，要趁熱飲多碗。
呢客薑汁炒芥蘭 ($98)，炒得夠爽脆，無一條有渣，份量相當對眼。
炸物代表係泰式炸物拼盤($238)，包括炸魚餅，蝦餅，咖喱角及鷄翼，陣容相當鼎盛。
炸蝦餅相當紮實，表面唔油，點泰式酸辣醬食，岩數。
仲有咖喱角，皮脆內係咖哩餡料，點千島醬食都好味喎。
點都需要D澱粉質，就叫咗呢客甜酸鳯尾蝦金邊粉 ($128)
金邊粉份量都唔少，味道酸酸甜甜好易入口，碟邊仲有炸蒜/辣椒籽/砂糖配食。蝦隻唔算太大但入口幾彈牙。
呢度有相當多嘅特飲，大部份都賣相吸引，就好似今晚呢杯:泰牛($68)，一半係泰奶，一半係泰奶冰，而隻咁得意嘅熊仔係由茶整成嘅，保證飲到最後一啖都係冰凍同夠茶味。
綠茶鮮奶($58)，用隻菠蘿型狀嘅杯裝住，上綠下白，搞均下就變成綠茶鮮奶，輕微綠茶味但幾香滑。
泰菜甜品大佬芒果糯米飯呢度都有。但被呢客彩虹椰汁糕 ($50)所吸引。顏色賣相係打咭恩物，真身其實係椰汁糕，入口軟糯，甜度剛好，再寫埋D字係隔離，係”合皮扭耳”呀。
張貼
