影片
更多
2024-08-11
819 瀏覽
又到weekend當然要約朋友出嚟食飯chill吓Bookmark咗一段時間嘅Relish今日終於有機會去食隱身喺觀塘工廠大廈入面上到去發現好是正好大間中間仲有個月球裝置 好浪漫好啱打卡木系餐枱餐椅 中間仲有梳化位咖啡吧位置仲可以睇到barista沖咖啡6點幾7點上到去都已經坐滿咗大半 非常之受歡迎我哋一人要咗一個Dinner set$300-400幾有starter, soup, main, dessert同drink 非常豐富餐牌係黑膠唱片造型 好特別而且每一個dish擺盤都非常有心機 超靚超啱打卡！Welcome drink係接骨木花薑啤配湯力泡沫薑味幾香 飲完好開胃 唔會好似平時啲啤酒咁飲到飽飽滯滯Starter推薦由輕口味食到濃味1. 阿根廷紅蝦桂花青瓜果凍伴黑魚子紅蝦大大隻又彈牙 食落去有桂花香 上面黑魚子提升咗鮮味2. 青檸柚子松葉蟹肉水晶脆殼水間脆殼好驚艷 鬆化得嚟咬落去唔會碎晒上面有大量松葉蟹 好鮮甜 加埋青檸同柚子嘅果香 唔錯！3. 伏特加西瓜、刁草忌廉發達芝士、竹脆芝士脆片好特別嘅菜式 食落有少少伏特加酒味但唔重 西瓜香甜多汁 加埋芝士又有種不一樣嘅感覺 好鍾意上
Bookmark咗一段時間嘅Relish
今日終於有機會去食
隱身喺觀塘工廠大廈入面
上到去發現好是正好大間
中間仲有個月球裝置 好浪漫好啱打卡
木系餐枱餐椅 中間仲有梳化位
咖啡吧位置仲可以睇到barista沖咖啡
6點幾7點上到去都已經坐滿咗大半 非常之受歡迎
我哋一人要咗一個Dinner set
$300-400幾有starter, soup, main, dessert同drink 非常豐富
餐牌係黑膠唱片造型 好特別
而且每一個dish擺盤都非常有心機 超靚超啱打卡！
Welcome drink係接骨木花薑啤配湯力泡沫
薑味幾香 飲完好開胃 唔會好似平時啲啤酒咁飲到飽飽滯滯
Starter推薦由輕口味食到濃味
1. 阿根廷紅蝦桂花青瓜果凍伴黑魚子
紅蝦大大隻又彈牙 食落去有桂花香 上面黑魚子提升咗鮮味
2. 青檸柚子松葉蟹肉水晶脆殼
水間脆殼好驚艷 鬆化得嚟咬落去唔會碎晒
上面有大量松葉蟹 好鮮甜 加埋青檸同柚子嘅果香 唔錯！
3. 伏特加西瓜、刁草忌廉發達芝士、竹脆芝士脆片
好特別嘅菜式 食落有少少伏特加酒味但唔重 西瓜香甜多汁 加埋芝士又有種不一樣嘅感覺 好鍾意上面嘅竹脆芝士脆片 香濃脆口
餐湯同朋友一人試咗一款
Staff會即席幫我哋斟出嚟
椰香烤紅菜頭濃湯
紅菜頭味道濃郁 上面加咗少少椰汁 令成個湯層次提升咗 更香更豐富
甘荀栗子湯
甘荀同栗子兩樣味道都好突出
飲落去幾清新 好開胃
Main要咗澳洲M5威靈頓牛柳
勁好食！大推！！
威靈頓牛柳焗得非常靚 份量好大
而且好貼心切開咗一半 方便share食
外皮酥脆唔油膩
入面唔單止得牛柳 仲有大量蘑菇
牛柳5成熟 鮮嫩多汁 蘑菇增加咗口感同味道
中間仲有一層火腿
一啖食落去會食到勁多種口感同味道
伴碟嘅沙律都好好食
有好多紅蕃茄綠蕃茄同埋無花果
對於平時唔太鍾意食菜嘅我 呢個沙律我會全部食晒🤣
另一個main 要咗香草芝士烤龍蝦海膽忌廉汁意大利飯
好高貴嘅用料 海膽同龍蝦份量都唔惹小 兩個人share每人都有好大塊
龍蝦爽脆新鮮 海膽濃郁鮮甜
意大利飯creamy 配有大量鮮菇 加埋脆粒
又係勁多層次 口感勁豐富！
Dessert plate
豆腐芝麻柚子撻
最上面係嫩滑豆腐 中間有一層香濃嘅芝麻 頂層有柚子作點綴 外面蛋撻皮酥脆 好好食好鍾意🥰
紅棗桑椹意式沙冰 冇諗過紅棗都可以整沙冰 紅棗同桑椹都好香好有營養 整成嘅沙冰甜甜地 女仔唔好食太多冰品 呢個份量就剛剛好可以過口癮
青梅酒薄荷氣泡水 呢個青梅酒冇酒精 但作為ending非常refresh! 可以除去飽滯感
飲品試咗冷萃甘蔗咖啡
第一次試咁嘅combination
冇諗過咖啡同甘蔗都可以夾到
咖啡好香 甘蔗清甜
而且顏色非常靚 有漸層
朋友要咗柚香橘皮古樹普洱冰茶
擺得又係好靚好有心機 有少少茶葉伴碟
上面橘皮成塊浸落茶 飲落好清新
值得一提Staff亦都好用心提供service 不時留意住加水同收碟 上菜時亦都會介紹食法 抵讚！
張貼
