影片
更多
2022-04-25
8223 瀏覽
家嫂唔係第一次食，但今次係第一次食晚餐，食3粒鐘，之前喺另一間分店食午餐就比較趕時間。以為啱啱放寬晚市會好多人m但係即日晏晝打去都book到夜晚嘅枱，而且留咗張八人嘅大圓枱，有好多位放野食，非常唔錯。都係平時咁，首先有刺身，有曬乾冰氣派非常。Quality就正常啦，唔算特別好，三文魚味道比較淡。小食今日就冇醉蝦，有酸薑皮蛋同紅糖糍粑都只有3件，明明我哋有四個人。但紅糖糍粑好好食，我哋本來想要當甜品咁最後再叫，未夠9pm叫佢已經冇曬，如果想要encore嘅人應該要早啲嗌。雞絲粉皮我冇試，但朋友話唔錯。另外仲有炸三文魚、 翡翠蚌沙律、清酒蜆。雞煲其實我哋唔係點樣食，我哋同咗個staff講可唔可以畀少啲雞，我哋係咁以試下，唔想浪費食物。我覺得要讚一下佢嘅服務，佢係有一個職員專係負責你個檯，然後我地 張台個staff非常之有禮貌同helpful!跟住戲肉打邊爐喇，打電話book時佢同我哋講有得免費升級一個蜜瓜花膠湯底，啲花膠食過係冇咩味嘅，入面仲有啲蜜瓜、桂圓、紅蘿蔔等等， 所以湯底主要係靠另外呢啲桂圓肉提味，但隨住你落好多海鮮佢個湯底就變得鮮甜。呢到打邊爐收$368再加一嘅價格就當然係因為佢
都係平時咁，首先有刺身，有曬乾冰氣派非常。Quality就正常啦，唔算特別好，三文魚味道比較淡。
小食今日就冇醉蝦，有酸薑皮蛋同紅糖糍粑都只有3件，明明我哋有四個人。但紅糖糍粑好好食，我哋本來想要當甜品咁最後再叫，未夠9pm叫佢已經冇曬，如果想要encore嘅人應該要早啲嗌。雞絲粉皮我冇試，但朋友話唔錯。另外仲有炸三文魚、 翡翠蚌沙律、清酒蜆。
雞煲其實我哋唔係點樣食，我哋同咗個staff講可唔可以畀少啲雞，我哋係咁以試下，唔想浪費食物。我覺得要讚一下佢嘅服務，佢係有一個職員專係負責你個檯，然後我地 張台個staff非常之有禮貌同helpful!
跟住戲肉打邊爐喇，打電話book時佢同我哋講有得免費升級一個蜜瓜花膠湯底，啲花膠食過係冇咩味嘅，入面仲有啲蜜瓜、桂圓、紅蘿蔔等等， 所以湯底主要係靠另外呢啲桂圓肉提味，但隨住你落好多海鮮佢個湯底就變得鮮甜。
呢到打邊爐收$368再加一嘅價格就當然係因為佢有海鮮任食啦，追加鮑魚係回本之作！鮑魚係新鮮嘅，魚肉應該係沙巴龍躉，厚切嘅，肉質都唔錯，唔似雪藏嘅感覺。另外值得一大讚嘅啲蝦，本來我哋都唔係好想剝殼唔想食蝦，但佢啲蝦quality 好好，一定唔係雪藏嗰d. 蟹就都有啲膏嘅，但係要剝殼太麻煩我哋都冇乜點食。另外仲有啲蜆同沙白就唔ok, 沙白有幾隻係非常多沙同有陣臭味！但唔係隻隻都係咁。
Overall都保持水準，願意畀多少少錢食放題食好少少大吃一餐嘅話，佢係一個好選擇。 同埋佢七點半後就會有紅白酒車仔推出嚟，都係任添嘅，同朋友都飲返一杯都唔錯！
張貼
