影片
更多
2024-09-22
3437 瀏覽
2024年9月4日 星期三今晚難得同老婆兩個人撐枱腳，決定食好啲，去咗尖沙咀打邊爐呢間餐廳專做火鍋放題，早鳥優惠七點前離座每人$300都唔洗就可以任飲任食，除咗火鍋之外，仲有燉湯同雞煲提供添一點完餐之後，店員就立即送上前菜炸門鱔連骨魚皮，炸得好香脆，連骨都可以炸得好鬆化，比起普通魚皮更加有魚味之後有時令燉湯，係椰子雞湯，湯底好清澈，一倒出嚟已經好重椰子味，飲落去夠晒清甜，食完炸物再飲就啱晒，感覺冇咁油膩同保持喉嚨濕潤跟住雞煲就登場，店員仲幫我哋兜咗幾兜，令到啲雞唔會黐住個底，均勻受熱，由於我哋叫咗BB辣，所以唔會太攻鼻，味道少少辣幾惹味，雞肉好嫩滑，唔會煮到好韌，而且雞胸同雞髀肉嘅部份比較多，唔會淨係食到雞骨同一時間刺身拼盤都嚟到，睇落去全部都好新鮮，我哋仲特別點咗花竹蝦刺身，冇諗過會咁大隻，加上蝦肉好彈牙，完全食唔到蝦腸，蝦味十分濃郁，其餘嘅刺身都唔錯，特別係魷魚刺身，咬落去幾爽口終於嚟到海鮮嘅部份，呢個超級海鮮盤真係包羅萬有，除咗龍蝦之外，仲有花蟹、鮑魚、帶子、蟶子同海蝦，唔夠食仲可以不斷添加，全部都好新鮮，鮑魚仲不停蠕動緊，全部放晒落去火鍋裏面，即時令到個湯底更加鮮甜，而且唔需要
今晚難得同老婆兩個人撐枱腳，決定食好啲，去咗尖沙咀打邊爐
呢間餐廳專做火鍋放題，早鳥優惠七點前離座每人$300都唔洗就可以任飲任食，除咗火鍋之外，仲有燉湯同雞煲提供添
一點完餐之後，店員就立即送上前菜炸門鱔連骨魚皮，炸得好香脆，連骨都可以炸得好鬆化，比起普通魚皮更加有魚味
之後有時令燉湯，係椰子雞湯，湯底好清澈，一倒出嚟已經好重椰子味，飲落去夠晒清甜，食完炸物再飲就啱晒，感覺冇咁油膩同保持喉嚨濕潤
跟住雞煲就登場，店員仲幫我哋兜咗幾兜，令到啲雞唔會黐住個底，均勻受熱，由於我哋叫咗BB辣，所以唔會太攻鼻，味道少少辣幾惹味，雞肉好嫩滑，唔會煮到好韌，而且雞胸同雞髀肉嘅部份比較多，唔會淨係食到雞骨
同一時間刺身拼盤都嚟到，睇落去全部都好新鮮，我哋仲特別點咗花竹蝦刺身，冇諗過會咁大隻，加上蝦肉好彈牙，完全食唔到蝦腸，蝦味十分濃郁，其餘嘅刺身都唔錯，特別係魷魚刺身，咬落去幾爽口
終於嚟到海鮮嘅部份，呢個超級海鮮盤真係包羅萬有，除咗龍蝦之外，仲有花蟹、鮑魚、帶子、蟶子同海蝦，唔夠食仲可以不斷添加，全部都好新鮮，鮑魚仲不停蠕動緊，全部放晒落去火鍋裏面，即時令到個湯底更加鮮甜，而且唔需要淥太耐都好快熟晒，要及時夾上嚟食，如果唔係就會變韌，龍蝦肉好容易就拆得起，肉質彈牙
另外不得不讚火鍋嘅湯底椰子雞煲，淨係睇顏色已經見到好奶白，當水滾嘅時候椰子味已經不斷飄發出嚟，再加上裏面加咗唔同嘅藥材，令到裏面既食物食落去都冇咁熱氣
打邊爐當然唔少得有肥牛，呢一個手切肥牛切到每一塊都好薄，紋理分明，可以清楚見到脂肪同肉嘅分佈，淥大約幾十秒就已經熟晒，牛肉味幾濃郁
配料方面餐廳用九官格既形式送上，每一碟嘅份量都唔少，除咗無限添加嘅海鮮之外，蝦膠同牛柏葉味道都唔錯，牛扒葉好爽口而蝦膠就好夠彈
除此呢個仲有水餃、雲吞、魚腐，同A4豆腐紙，之前完全唔知豆腐紙係咩嚟，嚟到嘅時候見到好似腐竹咁，真係成張紙咁薄，放落個火鍋幾秒就已經熟，豆味幾香濃，加上口感好特別，同食響鈴完全唔同
埋單每人四百幾蚊，飽住個肚咁走！！
張貼
