鍋心粥底火鍋 (德成街)

營業中

休息中

好耐之前食過一次鍋心就念念不忘，今日難得經過佐敦見到仲有位就返去回味下。我印像中記得之前黎食都係差唔多價錢，大約二百幾就可以食到放題份量既火鍋，真係好抵食！今次我地揀左有肉蟹，龍蝦同沙白蜆既餐，另外再揀左鮑魚，蝦，花甲，青口，大尾魷。肉蟹都好新鮮，都有唔少肉，唔會太削，中間仲有少少膏。鮑魚上碟時仲識郁，非常新鮮。食落爽口彈牙，一定要試下。青口大大隻，食落都幾嫩口鮮甜。沙白鮮甜厚肉，幾意外係咁多隻都唔會有沙，十分難得。蝦都好係好新鮮，上枱時會彈下彈下咁，食落唔會霉。龍蝦大隻厚肉，仲有成隻鉗食都幾爽。另外佢既餐入面仲可以好多唔同既配料，每個人可以揀4款，我地兩個人就可以揀8款(不可重複)。當中以手打雞軟滑最有驚喜，雞軟骨滑食落有口感，有少少脆口，必點推介。最後職員會加入米，南瓜，芋頭，將頭先海鮮既精華煮成粥底，真係好鮮甜，而且份量好多，我地每個人都食左兩碗。