阿爺八鮮鍋

營業中

休息中

雞煲放題就食得多，連海鮮都任嗌任食真係唔多。阿爺八鮮鍋有2.5小時嘅河鮮海鮮雞煲放題，食材超級豐富，每位已經包咗個升級海鮮盤🦞🦐，有越南大虎蝦、澳洲龍蝦、蘇格蘭蟶子、大元貝、奄仔蟹同新鮮鮑魚。全部都超生猛勁新鮮，未食雞煲之前食海鮮都已經飽咗五成，海鮮控一定唔可以錯過😋要讚一讚個無花果湯，真係只此一家，清甜得嚟煲得好入味，一啲味精都冇，忍唔住飲咗好多杯😝餐廳仲做緊限時優惠，正價時段加$128仲有象拔蚌刺身任食。如果係5:00-7:30pm呢個時段，Like 社交平台即送一客象拔蚌刺身😍啲刺身真係一啲都唔惹少，超級甜味，仲好爽口，$128可以任食絕對係物超所值。另外，餐廳仲有每枱抽獎環節，抽中嘅幸運兒送一客橋底辣蟹🦀隻蟹都幾大隻，用椒鹽加黑椒粒炒特別惹味，蟹肉鮮美，好食到連蟹殼都唔放過😝雞煲都有三款揀，有泰式酸辣、韓式芝士同經典四川麻辣。我哋揀咗四川麻辣雞煲，雞件份量一啲都唔少，而且啖啖肉，愈煲愈惹味。食完雞煲仲可以繼續任食河鮮、海鮮、豬牛羊同其他蔬菜，真係超級滿足。整體嚟講，餐廳誠意十足，一間餐廳包辦晒高質海鮮、刺身、橋底辣蟹同雞煲，如果想一次過試晒咁多款美食，一定唔可以錯過😍阿爺八鮮鍋