阿爺八鮮鍋

營業中

休息中

今日去到尖沙咀附近等朋友安排既生日飯、佢一向都會滿足到我嘅口味，包括無限海鮮、龍蝦、鮑魚等等，仲有刺身！仲同我講有任食打邊爐兩小時任食！真係好開心好驚喜未食過一間都幾有質素嘅雞煲任食火鍋！首先佢哋會準備金壺入面嘅湯、呢個湯除咗養生養顏之外，味道仍非常清甜！打邊爐之前飲湯滋潤下個喉嚨都係一個幾唔錯嘅決定！之後朋友就幫我嗌咗個唔辣嘅雞煲、因為大家都唔食得辣嘅關係，今次叫咗一個野菌炒雞煲！除咗開心之外、估唔到都幾驚喜野菌炒通常個味道冇咁出眾！但係呢間竟然唔需要有辣味都可以好惹味！都幾值得推介俾啲食唔到辣嘅人去食嘅雞煲！建議留返個肚去食其他打邊爐嘅配料！雞煲份量真係唔需要食太多㗎！火鍋配料除咗有特色之外，有好多選擇出面都未必有！例如牛骨髓、魚卜、原隻肉蟹、原隻海鮮貝、仲有美國珍珠蠔！海鮮種類已經多籮籮！仲有個刺身拼盤有大大隻嘅牡丹蝦，仲有赤背、海蜇同埋希靈魚刺身！味道鮮甜又飽滿！重點係非常新鮮！刺身拼盤擺設亦都好靚！當然海鮮拼盤除咗有原隻肉蟹之外、仲有佢哋嘅王牌龍蝦、龍蝦真係要讚一讚啖啖都係肉，再加上打邊爐嘅龍蝦通常比較難控制到個肉質嘅口感！但係佢竟然可以滾耐咗都覺得啲肉好彈滑！真係值得一讚！