Hong Kong Burger (葵涌廣場) (已結業)

葵涌廣場一直都係美食集中地, 今日嚟到呢一間 漢堡包外賣店食佢嘅手製漢堡包。 店舖喺葵涌廣場2樓, 地鐵站行過去只需要5分鐘, 十分方便。因為係外賣店所以鋪面唔算大， 但係勝在乾潔明亮， 喺疫情時間如果唔想買外賣，呢度絕對係不二之選。HKer自家製手打牛肉芝士漢堡 ，不得不讚，五十幾蚊呢個價錢，可以有一個咁多餡料又有juicy嘅漢堡扒嘅漢堡， 性價比真係好高。 漢堡超大個，基本上一個成年男人都一定夠飽。 焦糖洋蔥煙肉熱狗， 佢嘅洋蔥煮到十分淋，配埋焦糖醬汁同煙肉十分夾，裏面仲有脆皮熱狗腸， 口感一流。 流心芝士蝦球， 炸蝦球外脆內軟，蝦球彈性十足，咬落去有醬爆芝士， 十分好食。 日本迷你甜薯， 日本出產嘅甜薯出名香糯，甜度高，十分正。店舖仲有罐裝汽水揀，而佢嘅罐裝汽水仲要唔係普通汽水，係日本罐裝汽水， 我最後揀咗日式有氣橙汁， 味道十分唔錯。