鴻圖樓茶餐廳

營業中

休息中

鴻圖樓茶餐廳📍觀塘前日放工經過觀塘呢間茶餐廳夜晚好多人買外賣，見有得買燒味飯，就買外賣返去食。
叫咗個叉燒燒鵝雙拼飯 $64 仲有是日例湯送，係豬骨湯🥰 勁大碗超足料，湯嘅味道唔會太鹹，仲有唔少南北杏，一啲味精都冇，好好飲😆叉燒啲肉層次分明，肥瘦適中，肉質一啲都唔柴😆仲有燶邊，好好食😋 燒鵝都有五舊，食落有微微炭燒香味，皮脆肉嫰，唔會太多肥膏，配埋酸梅醬送飯一流。呢間真心唔錯，下次可以試埋佢嘅兩餸飯。