유명진의 육미정담 肉味情談

營業中

休息中

試吓個「雅韻釜山饗宴」。首先登場嘅一級五花肉！一放上烤爐，嗰股油香即刻飄散出嚟，烤到金黃微焦，包埋生菜，再加上蒜片同辣椒圈，一啖落去，成個世界都美好曬！濟州黑毛豬梅花肉又係另一番風味，口感爽脆，咬落去「咯咯聲」，正到唔停夾。和牛牛五花同牛小排，完全係高質代表，牛味濃郁得嚟又好嫩滑，簡直入口即溶。蘋果梨汁雞肉好特別，有水果嘅清甜滲入雞肉之中，食落好清新。大八爪魚超新鮮，彈牙到好似玩彈弓咁。大醬湯就好濃郁醇厚，同勁多料😍👍🏻✨一啖落去，成個胃都暖笠笠。個石頭鍋飯粒吸收晒肉汁同蔬菜嘅精華，底部仲有香脆嘅飯焦，撈勻蛋黃，每啖都好滿足。食完重有芝士蛋糕配雪糕，甜而不膩，冰火交融嘅口感真係一流。菠蘿梳打同青檸梳打，清清爽爽，同燒肉一齊飲，解膩一流。