兆鳥 (已結業)

經過門口以為係omakase個d，但係睇左門口menu先知原來係一間燒鳥店，咁就試下啦。一入到裝修已經好吸引，吳似一般居酒屋個d feel，尤其係個幅字畫。食物方面就有出面好少見嘅部位，例如雞牡蠣肉，雞掌肉，雞腳筋.....。雖然佢地用好簡單嘅調味(塩)，反而食到雞本身嘅味道，燒嘅火力時間亦都好好，仲有個雞刺身，因為佢燒左個皮感覺就好似火炙刺身，油份出左黎，令到肉質更加飽滿同豐富😋。兩個人叫左支酒，埋單大概千六蚊左右，我覺得呢個裝修環境，食物質素都好合理。