影片
更多
2017-06-27
156 瀏覽
今日同朋友收工約食飯，大家不嬲都中意食日本野，而且呢間仲要係高級版既和民，成個商場都貼曬廣告，點可以唔試下呢？餐廳地理位置好好，附近交通方便，係正太古地鐵站岀口，一岀去就見到個商場，係附近收工過去都唔算難搵，等左一陣就入得去，唔洗等好耐，d staff都好有禮貌，朋友都話估唔到咁快就入得lol一入去坐低睇menu，價錢都幾親民，就快快手決定好食乜，坐定定等食，前菜叫左宮崎產甜蕃薯條同沙律，兩樣都好開胃，蕃薯條炸到金黃色，入口脆卜卜，加埋宇治抹茶鹽，好有surprise!! 同蕃薯條好夾！個沙律都好fresh，又新鮮，最特別係入面竟然有冰菜，好爽!仲叫左個自家製溫豆腐伴海苔濃汁，一開始上枱以為佢係燉奶，白白滑滑既豆腐好重豆味，d海苔濃汁係上面好d紫菜咁，少少咸，又唔會遮左豆腐味，令碗野生色不少！一場黎到點可以唔試下壽司呢，朋友唔食生野，咁卷物就滿足曬我地要求啦，呢個軟殼蟹牛油果壽司卷，不嬲都係牛油果粉絲，所以一黎到已經知一定好正，上面既蟹籽同車厘茄簡直係點綴加分，軟殻蟹脆卜卜，食得岀岩岩新鮮炸好就包入去，又飽肚又滿足！無理由全部都食曬小食架麻，決定叫一個火鍋試下，火鍋有兩款，火口鍋有北海
餐廳地理位置好好，附近交通方便，係正太古地鐵站岀口，一岀去就見到個商場，係附近收工過去都唔算難搵，等左一陣就入得去，唔洗等好耐，d staff都好有禮貌，朋友都話估唔到咁快就入得lol
一入去坐低睇menu，價錢都幾親民，就快快手決定好食乜，坐定定等食，前菜叫左宮崎產甜蕃薯條同沙律，兩樣都好開胃，蕃薯條炸到金黃色，入口脆卜卜，加埋宇治抹茶鹽，好有surprise!! 同蕃薯條好夾！
個沙律都好fresh，又新鮮，最特別係入面竟然有冰菜，好爽!
仲叫左個自家製溫豆腐伴海苔濃汁，一開始上枱以為佢係燉奶，白白滑滑既豆腐好重豆味，d海苔濃汁係上面好d紫菜咁，少少咸，又唔會遮左豆腐味，令碗野生色不少！
一場黎到點可以唔試下壽司呢，朋友唔食生野，咁卷物就滿足曬我地要求啦，呢個軟殼蟹牛油果壽司卷，不嬲都係牛油果粉絲，所以一黎到已經知一定好正，上面既蟹籽同車厘茄簡直係點綴加分，軟殻蟹脆卜卜，食得岀岩岩新鮮炸好就包入去，又飽肚又滿足！
無理由全部都食曬小食架麻，決定叫一個火鍋試下，火鍋有兩款，火口鍋有北海道豚肉，另一款就係壽喜燒鍋，用既係鹿而島和牛，朋友唔食牛所以就揀左火口鍋，肉質鮮嫩，加埋個泡菜湯底，辣辣地好開胃，依家諗翻都留口水！
同朋友臨走已經約定幾時再黎過，呢到真係個幾好既飯堂！
張貼
