Notte (已結業)

今日去咗銅鑼灣邊一間私房菜食法國西餐。 西餐廳唔算好大，不過就有好高嘅私隱度，環境尚算唔錯。打開menu發覺佢有套餐同埋散叫，因為唔係太鍾意套餐裏面嘅食物，所以就揀咗散叫。坐低冇幾耐，服務員就畀咗佢哋嘅麵包我食， 麵包味道唔錯仲烤到熱辣辣，好有誠意。頭盤叫咗香煎北海道帶子配粟米蓉， 帶子沾到外香內軟 ，鮮味好夠， 配埋粟米蓉簡直一百分。至於餐湯方面，蘆筍帶子粟米湯， 鮮甜嘅帶子配埋濃厚嘅粟米湯，簡直係一流嘅配搭。主菜方面，我叫咗佢嘅美國西冷扒配牛仔肉醬汁， 上檯嘅時候有啲surprise，因為佢係成個爐端咗上嚟畀我睇我將會食嘅嗰塊牛扒。 侍應好識做，畀我打完卡再切得靚一靚上碟，簡直係視覺同味覺嘅最高享受。😋至於佢嘅甜品都好出色， Terimisu 下面鋪上棉花糖，襯托得terimisu更加好食。整體嚟講呢餐飯我覺得係物超所值。