大灰熊廚房 (裝修中)

隱世高質私房菜🤐😛今日約咗朋友去佢屋企攞嘢，到食飯時間，佢推薦去佢屋企樓下嘅帝景灣大灰熊食肆食晚餐。朋友話呢間係隱世食店，佢食過都覺得好好食，咁我哋決定試吓🤪呢間食肆附近環境好舒服，店內環境都好乾淨，坐位寬蔽☺️店主好親切，送咗個前菜琥珀合桃比我哋，呢個琥珀合桃好鬆脆，好香口，但又唔會太甜，好好味🥜個番茄肉片湯味道酸酸哋，好開胃，入面有番茄同一啲菇同肉片，啲肉片好嫩滑🍅🍄個豆腐班腩係暖胃之選，豆腐好滑，魚肉好厚身好滑，有甜香而味鮮，非常惹味，唔試真係損失🥸個黑酣黑豚肉炸得好香脆鬆軟，店主話佢哋係即叫即做的，所以攞到上枱時，咬落熱辣辣，啲肉肥瘦適中，非常鮮味好食，配合洋蔥，酸酸甜甜非常惹味，餸飯一流😚整體來講，呢間食店啲小菜好有水準，看似平凡嘅家庭菜佢都經過巧手烹調，真係值得一試再試😉