鮨廷 (裝修中)

又一高質立食呢間新開既立食壽司仲有平民版omakase食！聽落都流哂口水店內環境企理乾淨 唔會好迫 服務亦都好好佢地附上既茶除左普通既綠茶粉之外 仲有玄米茶！全部壽司食落都好新鮮 其中最中意就係拖羅同炙燒三文魚腩 拖羅真係達到入口即溶 食完油香仲係口裡面徘徊試左三文魚腩同炙燒版 兩種好唔同 前者食到新鮮既味道 而炙燒既話 三文魚既油脂香味更加出！另外海膽都推薦 質感creamy 食落一啲都唔腥 非常新鮮大部分既壽司師傅係整既時候已經調左味 例如醬油 柚子汁醬 wasabi等等 所以建議食既時候都唔需要額外點醬油 咁先食到最原本既鮮味架