影片
更多
2020-12-13
419 瀏覽
依間位於開平道既日式料理食材新鮮,連續五年得到米芝蓮推介,依家無得去旅行,得閒都要獎勵下自己食番餐好既🥰楓($1780)前菜-有蕃茄冰菜沙津,黑胡麻豆腐同溫泉蛋玉子,一咬開溫泉蛋既蛋汁流哂出黎,口感滑溜好正🥰冰菜新鮮爽脆,配蕃茄食好清新刺身-有鰤魚,深海池魚,帶子,青鮑魚,魷魚同拖羅,帶子質感豐厚鮮甜,鰤魚入口甘甜,配酸汁食更加突顯佢既鮮味,深海池魚入口爽嫩帶韌性,魚味最濃郁,魷魚質感爽滑,口感黏稠好有咬口!刺身最鍾意食既一定係拖羅🥰藍鰭拖羅入口有豐富既魚香同油脂香好正啊🥺🥺煮物-清酒大蜆蜆肉都幾大隻,食落去有啖啖既酒香,蘿蔔吸收哂清酒湯既精華好鮮甜焗物-雲丹燒帶子帶子邊鋪上海膽再拎去焗,然後再係上面鋪上新鮮既海膽,燒過既海膽更加迫出佢既甜味,而且提升左帶子既鮮甜,再配新鮮既海膽食冷暖口感更加豐富Chef’s specialty-蟹肉蟹膏味道鮮香濃郁,配上青瓜同昆布,仲加左醋,食落去味道帶酸好開胃壽司-有魴鮄魚,金目鯛魚,和牛,燒右口魚邊,牡丹蝦同海膽,平時通常食左口魚第一次食右口魚邊,將右口魚輕輕灸燒迫哂佢d油脂香出黎,入口即溶🥰北海道海膽口感軟綿,味道超鮮甜湯-奶白魚湯果物-福岡甜
楓($1780)
前菜-有蕃茄冰菜沙津,黑胡麻豆腐同溫泉蛋玉子,一咬開溫泉蛋既蛋汁流哂出黎,口感滑溜好正🥰冰菜新鮮爽脆,配蕃茄食好清新
刺身-有鰤魚,深海池魚,帶子,青鮑魚,魷魚同拖羅,帶子質感豐厚鮮甜,鰤魚入口甘甜,配酸汁食更加突顯佢既鮮味,深海池魚入口爽嫩帶韌性,魚味最濃郁,魷魚質感爽滑,口感黏稠好有咬口!刺身最鍾意食既一定係拖羅🥰藍鰭拖羅入口有豐富既魚香同油脂香好正啊🥺🥺
煮物-清酒大蜆
蜆肉都幾大隻,食落去有啖啖既酒香,蘿蔔吸收哂清酒湯既精華好鮮甜
焗物-雲丹燒帶子
帶子邊鋪上海膽再拎去焗,然後再係上面鋪上新鮮既海膽,燒過既海膽更加迫出佢既甜味,而且提升左帶子既鮮甜,再配新鮮既海膽食冷暖口感更加豐富
Chef’s specialty-蟹肉蟹膏味道鮮香濃郁,配上青瓜同昆布,仲加左醋,食落去味道帶酸好開胃
壽司-有魴鮄魚,金目鯛魚,和牛,燒右口魚邊,牡丹蝦同海膽,平時通常食左口魚第一次食右口魚邊,將右口魚輕輕灸燒迫哂佢d油脂香出黎,入口即溶🥰北海道海膽口感軟綿,味道超鮮甜
湯-奶白魚湯
果物-福岡甜王士多啤梨,日本柑同日本杮卷,有日本既生果做結尾好滿足🥰
張貼
