美麥多飽餅屋

營業中

休息中

喺灣仔行行吓俾我見到呢一間傳統麵包舖，突然間嘴痕想食吓糯米糍就俾我見到一款黑芝麻花生醬糯米糍!身為一個花生醬控嘅我就忍唔住買咗一粒，一粒先$7，非常之經濟實惠！本身都冇乜抱有特別期望嘅我，一咬開佈滿椰絲嘅外皮，口感極度煙靭又有黑芝麻味，絕對唔係得個色！而個餡就一定要大讚！因為係有好濃嘅花生醬，係爆漿湧出嚟！而花生醬唔係得醬好滑口個款咁簡單，而係充滿着花生粒，香口得黎又有口感超好食！下次經過我一定唔止買一粒！