六如

營業中

休息中

今日去中環做嘢，做到lunch time,當然又係到揾食嘅時間啦！😋經過The L. Place ，見到有張Poster上面有好多新鮮海鮮相，再加上"六如"個名都幾特別，所以就上去試下!餐廳位於五樓，裝修好新，地方都算寬敞光猛，而且有一邊係落地玻璃窗嘅位置，景觀開陽坐得舒服！餐廳星期一至日都有午市套餐我就揀左⭐鮮蠔仔冬瓜泡飯- 蠔仔飯非常足料，隻隻蠔仔都厚肉鮮甜我仲加購左小食，小食非常精緻，有黑磚豆腐同煙熏糖心蛋！黑磚豆腐即叫即整，好好食，非常有驚喜(溫馨提示：只有星期一至五lunch才可以加配小食)我仲試埋佢哋自家製加士多啤梨芝士軟糕做飯後甜品。整體味道有驚喜，而且服務態度非常好，店員又夠殷勤有禮！喺中環嚟講性價比都算高，喺值得推介餐廳！👍