牛涮鍋 (已結業)

今晚一早book咗九龍灣牛涮鍋同家人食飯，一來疫情似乎又漸趨嚴重，唔知會否再會影响堂食，二來亦順道同老豆慶祝父親節。確認要日本黑毛和牛餐及揀選好湯底後，就入座開始2小時的體驗。我地第1 round除咗主力日本和牛外，亦落咗少少澳洲和牛等家人可以比較下分別。無可否認日本和牛的雪花遠比澳洲和牛吸引。除牛肉外，幾款放題包括的六品海鮮水準亦幾好，尤其係虎蝦，廣島蠔，帆立貝等，質素都滿意！飲品方面的選擇其實唔少，不過如果可以有“無糖“的系列以供選擇會更好。甜品主力有軟雪糕提供，食落並唔會太甜。另外仲有泡芙及芒果大福。整體牛涮鍋的食物質素高，我同家人都好滿意！題外話，只係有一個小意見，原來如果4人想要每人一鍋，訂位時需要預先提出。我地並無提出，所以只可以4人一鍋，但可以選擇2種湯底。仲有，攞飲品及軟雪糕的空間太細啦，經常發生擠迫及輕微碰撞的情況，大家要小心！