影片
更多
2024-09-27
808 瀏覽
今日同朋友喺銅鑼灣搵地方食嘢，睇食評見到呢間咁多like，一於過嚟試下。 入門口見到好多武士嘅裝飾同擺設，幾靚幾有型格，但最最最緊要嘅就係，同日本既居酒屋一樣，座位唔多，每個人都可以坐得舒舒服服同真係有service嘛。坐低睇下menu，價錢偏貴，嗌咗個唐揚雞配鮮魚湯烏冬 同埋 海膽拖羅蓉丼， 仲有，趁朋友遲到，即刻嗌杯生啤入佢數啦。佢嘅午餐有跟沙律同湯， 本身冇乜期望， 但係當沙律嚟到我以為自己睇錯咗，佢個沙律居然係有“刺身粒”係入面， 食落份量唔少，有驚喜又好食。主菜嚟到， 唐揚雞配鮮魚湯烏冬，d雞岩岩炸起配d沙律醬，幾襯，而我亦成功令佢活不過三分鐘就送晒佢入我個胃度。意外驚喜係佢個鮮魚湯真係好正， 烏冬唔識食唔知係咪靚野，但係個湯一定好正， 奶白色嘅鮮魚湯 ，飲得出冇味精好似屋企煲個d， 真係可以當湯飲。朋友個海膽拖羅蓉丼， 佢嘅評語淨係話好飽，好多海膽 同埋啲拖羅好肥美，um.....講到咁我下次都要試下呢個先。最後lunch set包埋飯後甜品， 唔記得係柚子定係檸檬雪葩，清新得黎帶少少酸，好食到食完先記得影相.......所以冇相睇lu。最後總結，開頭齋睇餐牌覺得唔平，食完
坐低睇下menu，價錢偏貴，嗌咗個唐揚雞配鮮魚湯烏冬 同埋 海膽拖羅蓉丼， 仲有，趁朋友遲到，即刻嗌杯生啤入佢數啦。
佢嘅午餐有跟沙律同湯， 本身冇乜期望， 但係當沙律嚟到我以為自己睇錯咗，佢個沙律居然係有“刺身粒”係入面， 食落份量唔少，有驚喜又好食。
主菜嚟到， 唐揚雞配鮮魚湯烏冬，d雞岩岩炸起配d沙律醬，幾襯，而我亦成功令佢活不過三分鐘就送晒佢入我個胃度。意外驚喜係佢個鮮魚湯真係好正， 烏冬唔識食唔知係咪靚野，但係個湯一定好正， 奶白色嘅鮮魚湯 ，飲得出冇味精好似屋企煲個d， 真係可以當湯飲。
朋友個海膽拖羅蓉丼， 佢嘅評語淨係話好飽，好多海膽 同埋啲拖羅好肥美，um.....講到咁我下次都要試下呢個先。
最後lunch set包埋飯後甜品， 唔記得係柚子定係檸檬雪葩，清新得黎帶少少酸，好食到食完先記得影相.......所以冇相睇lu。
最後總結，開頭齋睇餐牌覺得唔平，食完諗返個沙律咁有誠意又有甜品包埋，除返開唔算貴，重點係食物有質素，難怪個個讚好啦，希望香港多d呢d有質素既舖頭啦。
$1
8 瀏覽
0 讚好
0 留言
30 瀏覽
0 讚好
0 留言
張貼
