Fûhn (The L. Square) (已結業)

同朋友喺銅鑼灣搵食 揀咗呢間新式越南餐廳Fûhn(我開頭以為讀Fu🤣原來正確讀音係Fun 係指越南嘅葉製帽子) 餐廳靈感嚟自北美嘅飲食文化 提供北美風格同分量嘅越南料理 採用嘅都係新鮮食材🥒▪️燒安格斯牛肉拌金邊粉+太陽蛋夏日炎炎☀️我揀咗食撈粉 燒牛肉夠香 肉味濃郁 同坊間嘅撈粉唔同 呢度用嘅係店舖特調醬汁 唔係普通酸汁 味道更加惹味 加埋酸蘿蔔等配菜 好fresh 識食梗係將隻太陽蛋撈勻一齊嚟食啦🤤無論口感同味道都冇得彈▫️特級安格斯牛肉/牛丸湯粉同樣都係揀咗金邊粉 湯牛肉比燒牛肉更嫩滑 牛丸味道都夠突出 帶少少黑椒味🥢湯底望落好清 不過入口一樣夠味 食得出冇味精 而且呢度嘅湯底都使用經過特殊處理嘅水 好味之餘都確保品質🍜▪️手打炸蝦餅炸到好金黃 賣相已經好吸引😍炸粉夠薄 香口得來唔會油膩 入面嘅蝦滑好彈牙 正!