悅火 (已結業)

公司附近開了一間「悅火」日式餐廳，這裏主要有開業限定廚師發辦及爐端燒還有新開張優惠，限定套餐必須提早一日預訂，另每人送一杯日本Sapporo 300ML生啤 + 一隻日本長崎小長井新鮮生蠔🦪價錢好合理，就約埋同事去試下👍入到店內裝修很有特色，仲有榻榻米坐得好舒服，我們二人就點了廚師發辦十六品🤤沙律/生蠔🦪沙律菜新鮮，酸酸地好開胃。生蠔蠔味濃郁入口幼滑美味。刺身三品有鮮帶子赤貝，煙燻鰆魚和針魚海膽樣樣都好新鮮，最喜歡食針魚包住海膽味道好夾好鮮甜，口感豐富。壽司六品有金目鯛、池魚、油甘魚、大拖羅、白蝦和海膽壽司色澤好新鮮，拖羅入口鮮嫩無比，池魚爽甜，油甘魚魚脂豐富肥美，其餘都好好食。天婦羅有馬交魚配海膽及青椒仔，炸至金黃色外皮香脆，魚肉鮮嫩海膽味道濃郁。最後食埋個海鹽雪糕做甜品，呢一餐非常滿足。