BlueDuck Workshop - Chef's Soul Cuisine (已結業)

今日又去工廈搵野食，我去左呢間係openrice見到幾靚幾高質素咁，就試下！嗌左個set dinner，選擇左燒烤肉眼扒！吾洗好耐，就頭盤一一送上！先有鵝肝豬肉醬手造欖油包，面包外脆內軟，熱辣辣，就咁食已經好香 欖油 包味，應該落左吾少欖油，但食落乾身，伴上鵝肝豬肉醬就仲更加好食，咸咸地咁，令整個包口感味道更加豐富。仲有香滑濃湯，係磨菇湯，好特別，用個杯咁上，我諗係因為吾想咁快凍左，就吾好飲吧，磨菇湯好香滑，好重菇味，喜歡菇嘅我好喜愛。其實set dinner仲有好多頭盤，但仲要想讚下帶子伴小茴香雞柳，賣相吸引，帶子好大粒好嫩滑，外面煎得好香，有蕃茄，蕃茄細心地去左皮，同應該'葉'過味，所以食落酸中帶上蕃茄甜，好醒胃，雞柳好香，外面炸過但雞肉仲好多肉汁，一點也不老仲好熱，好食！其他頭盤仲有黑松露蛋，雲吞，鴨肉野菜卷！主菜嚟啦！好香，賣相好吸引， 烤燒肉眼扒，外面燒得深啡色，但入面仲係好靚嘅紅色，好多肉汁，一嗌就流出嚟，但又吾會過生，因為成舊眼扒都食落係熱嘅，加上配上秘製醬汁好好食，下面有薯溶，食落都好夠，好味道！諗起都回味！最後上面甜品，兩個選擇中，我要了芒果千層蛋糕配綠茶雪糕，蛋糕好