影片
更多
2024-12-23
530 瀏覽
［📍銅鑼灣｜虎鐵鉄板燒 ］虎鐵鉄板燒係銅鑼灣好出名既鐵板燒，而家仲做緊優惠，只要消費滿$1500送龍蝦一隻或者指定清酒300ml一支或者全單9折。今次就揀左個日式和牛海鮮套餐，再加送龍蝦一隻，真係都幾抵食。🥚 茶碗蒸 時令沙律先黎個茶碗蒸暖下個胃，超多蟹肉而且滑嫩可口，再搭配新鮮既時令沙律，清爽又開胃。🦐 燒大虎蝦 燒銀鱈魚第一道主菜既大虎蝦燒得好鮮嫩，切割既方法令你不廢吹灰之力就可以食哂成隻蝦既精華，一下就可以索晒成個蝦頭。銀鱈魚的肉質鮮嫩，燒既火候掌握得好好。重點係佢個蝦醬，係用蝦既精華煮熟，配懷舊蝦肉，一試難忘。燒鮑魚鮑魚好新鮮，配搭埋有海苔同埋蟹肉嘅芡汁，真係令人回味無窮。🥖 鵝肝厚厚嘅鵝肝再配搭埋魚子醬的鹹香口感極佳。平時食開嘅鵝肝都好似食到成口油咁，但呢度嘅鵝肝唔會好油膩，一向唔係好食鵝肝嘅我都食晒成舊。而且仲有塊多士係底可以再減低油膩感覺。🐮 A5和牛薄燒配香煎野菜 A5和牛超級嫩滑入口即溶，而且有好多蔥花，口感好有層次。野菜分別係南瓜、番薯同埋翠玉瓜，南瓜同番薯勁好味，超級香甜。🦞 燒龍蝦燒龍蝦鮮甜無比，食得出勁新鮮，再配搭埋自家製嘅濃郁蝦膏海膽汁，完全同個龍蝦勁夾，
虎鐵鉄板燒係銅鑼灣好出名既鐵板燒，而家仲做緊優惠，只要消費滿$1500送龍蝦一隻或者指定清酒300ml一支或者全單9折。今次就揀左個日式和牛海鮮套餐，再加送龍蝦一隻，真係都幾抵食。
🥚 茶碗蒸 時令沙律
先黎個茶碗蒸暖下個胃，超多蟹肉而且滑嫩可口，再搭配新鮮既時令沙律，清爽又開胃。
🦐 燒大虎蝦 燒銀鱈魚
第一道主菜既大虎蝦燒得好鮮嫩，切割既方法令你不廢吹灰之力就可以食哂成隻蝦既精華，一下就可以索晒成個蝦頭。銀鱈魚的肉質鮮嫩，燒既火候掌握得好好。重點係佢個蝦醬，係用蝦既精華煮熟，配懷舊蝦肉，一試難忘。
燒鮑魚
鮑魚好新鮮，配搭埋有海苔同埋蟹肉嘅芡汁，真係令人回味無窮。
🥖 鵝肝
厚厚嘅鵝肝再配搭埋魚子醬的鹹香口感極佳。平時食開嘅鵝肝都好似食到成口油咁，但呢度嘅鵝肝唔會好油膩，一向唔係好食鵝肝嘅我都食晒成舊。而且仲有塊多士係底可以再減低油膩感覺。
🐮 A5和牛薄燒配香煎野菜
A5和牛超級嫩滑入口即溶，而且有好多蔥花，口感好有層次。野菜分別係南瓜、番薯同埋翠玉瓜，南瓜同番薯勁好味，超級香甜。
🦞 燒龍蝦
燒龍蝦鮮甜無比，食得出勁新鮮，再配搭埋自家製嘅濃郁蝦膏海膽汁，完全同個龍蝦勁夾，更加帶得出個鮮甜。
🍲 龍蝦味噌湯
用返頭先個龍蝦頭嚟做嘅味噌湯，湯底清甜，龍蝦的鮮味融入其中，暖心又暖胃。
🦀 蟹肉炒飯
炒飯炒得好夠鑊氣又夠多蟹肉，再加埋蔥花同蛋花，重點係炒得夠乾身，粒粒分明。
🍨 梳芙厘雪糕
甜品部分係梳芙厘，見住師傅喺鐵板上面整，都幾有儀式感。朱古力味既雪糕滑順可口，為整體用餐畫上完美的句號。
🐮 日式和牛海鮮套餐 $799（優惠價）
（原價$1142，兩位起可享優惠）
總結來說，虎鐵鉄板燒是一個值得一試的地方，無論是食物的質量還是用餐的環境，都非常值得推介。食材非常之新鮮，同埋配搭上有好多自家製嘅醬汁，絕對能夠將食材昇華，提升到另一個層次。
張貼
