素菲亞 (大富樓) (已結業)

誕生於堅尼地城嘅素菲亞，開張未夠一年，話咁快就開到過九龍，雖然唔算就腳，但都方便過入西環。🍴夏威夷素雞漢堡配薯條 HK$98素雞漢堡有兩大塊，仲有沾滿半溶車打芝士，咬落有少少似麥香雞，外層仲更香脆。菠蘿酸甜開胃，夾埋微微辛辣嘅芥末，幾滋味，如果芥末再多啲就仲正。🍴素卡邦尼意粉 HK$98意粉al dente，醬汁濃稠有蛋香，配料都幾多，菇粒同洋蔥非常香甜。🍴藍天菠蘿梳打（跟餐） HK$24菠蘿梳打好清爽，可惜甜咗啲，等啲冰溶得咁上下先飲就差唔多。🍴自家製水果茶（跟餐） HK$20配料有橙、蘋果、菠蘿、龍眼，充滿果香，好清甜。📍素菲亞大角咀大全街6-20號大富樓地下A2A號舖