山

營業中

休息中

「山」係以山林為主題元素既Omakase餐廳，呈現菜式既方法係充滿儀式感，店員因應食客喜好介紹唔同主題既餐牌，🐻揀左呢款係包羅萬有🤭⭐️山の御膳 $1888♥前菜北海道毛蟹、真蠔、柚子醋漬帆立貝。前面係原汁原味既蟹腳，味道清甜，後面係一梳梳蟹肉配上蟹膏，蟹味更濃更好味。真蠔肥美新鮮，蠔味濃郁獨特，海水味唔算重。帆立貝肉厚，夾埋底下塊昆布食口感幾好。‎♥蒸し物北海道蝦夷鮑魚酒蒸肝醬鮑魚彈牙，好似香水果支入面其實係十四代清酒，淡淡清酒味加埋肝醬令味道更有層次。‎♥雲丹盛五種產地既海膽，由岩手開始逆時針由淡味食到濃味，海膽新鮮，唔同既配料配搭出唔同既味道。🐻鍾意根室，Creamy又濃郁🤤‎♥お造り日本渡蟹即係醬油蟹，一啜入口好鮮甜，濃郁既醬油味充斥住係口腔。汁煮八爪魚、北海道帆立貝八爪魚入味，彈牙有嚼勁；帆立貝鮮甜軟滑。寒鰤前面係上碟後直接蓋玻璃蓋煙薰，口感細膩，魚油脂甘香；後面係用7種木糠煙燻，煙燻香氣滿溢，魚肉甘甜。拖羅經火灸後既拖羅魚味更濃，油脂感更多，配埋Wasabi中和油膩感。♥鍋物鱈場蟹亀甲鍋湯底用昆布同蟹殼煮成，鮮味十足，飲飲下飲晒成碗，鱈場蟹肉質飽滿，浸落湯底一陣先食會更鮮甜。