華

營業中

休息中

放假去咗西九文化區吸收吓藝術氣息。行到攰睇埋日落去咗M+ 16樓 Cview 食晚飯。餐廳充滿藝術設計，仲有一排海景座位，可以對住維港進餐。晚餐tasting menu one啲菜式好吸引決定叫呢個餐食。開咗壺菊花茶飲吓先。好快已經有得食前菜精選三小碟鎮江肴肉，晶瑩肉嫩花雕醉雞，雞肉好滑溜食落啖啖肉。紅蜇頭青瓜，爽口酸酸地好開胃。松茸燉花膠湯滋補燉湯夠哂火候湯味鮮，足料花膠好大塊。好正。蜜豆河蝦仁加少少醋食仲帶出河蝦既鮮味。滿滿既河蝦同蜜豆一匙匙放入口真係好滿足。蔥燒海參嘩海參好大條成隻手掌咁長。海參稔得嚟又爽口配埋啲乾蔥食好惹味。松子雞米鍋巴米鍋巴脆卜卜包住松子同雞粒。香脆美味。腿片扒菜苗咸咸地既腿片配上鮮嫩既菠菜苗。小籠包熱辣辣，肉汁滿滿，要小心進食好易爆汁。點少少醋鮮味十足。拔絲蘋果蘋果鮮甜爽脆，配上拔絲甜度適中。