影片
更多
2021-03-18
111 瀏覽
🌸#girlsfoodies港式#girlsfoodies銅鑼灣 #girlsfoodies灣仔 🌸【 💛 #GF_List 】 🉑 ：自取⭐👉🏻評分: 8/10——————————————————百中無一嘅中式黃店，位於灣仔地段，但唔貴又好食，真心難得～—————————————————▪️ 蜜薯牛柳粒 ( $118 )▪️ 鹹蛋蒸肉餅 ( $88 )▪️ 魚湯蒜子浸時蔬 ( $78 ）朋友本身笑我喺大排檔叫肉餅，我理得佢總之我最鐘意食肉餅 😁嗱點知佢食咗一啖之後雙眼發光，仲清得多過我。肉餅厚度啱啱好，咬落非常腍身，但唔會有肥到好油好嘔心嘅感覺，亦唔會好似點心鋪嗰啲肉餅咁實的的，完美地平衡。混入冬菇、馬蹄粒，口感多咗層次，調味亦恰到好處，唔會鹹到要飲水。唯一挑剔係隻鹹蛋無蛋黃香！好耐冇re-u食飯表示真係好掛住薯仔牛柳粒！見到即刻狗衝嗌，我諗呢度係2－3人份量，落咗青椒一齊炒。以前食呢味餸，通常都係較乾身，但呢度係仲有蜜糖汁喺底，亦都唔會好重黑椒味，少咁份香口。值得一讚係薯仔粒滾刀切後有炸過，外皮微微酥脆，入面係綿滑薯蓉，沾上蜜糖係幾好食。牛柳粒食落異常軟腍，有啲似喺街市凍肉
【 💛 #GF_List 】
🉑 ：自取
⭐👉🏻評分: 8/10
——————————————————
百中無一嘅中式黃店，位於灣仔地段，但唔貴又好食，真心難得～
—————————————————
▪️ 蜜薯牛柳粒 ( $118 )
▪️ 鹹蛋蒸肉餅 ( $88 )
▪️ 魚湯蒜子浸時蔬 ( $78 ）
朋友本身笑我喺大排檔叫肉餅，我理得佢總之我最鐘意食肉餅 😁嗱點知佢食咗一啖之後雙眼發光，仲清得多過我。
肉餅厚度啱啱好，咬落非常腍身，但唔會有肥到好油好嘔心嘅感覺，亦唔會好似點心鋪嗰啲肉餅咁實的的，完美地平衡。
混入冬菇、馬蹄粒，口感多咗層次，調味亦恰到好處，唔會鹹到要飲水。唯一挑剔係隻鹹蛋無蛋黃香！
好耐冇re-u食飯表示真係好掛住薯仔牛柳粒！見到即刻狗衝嗌，我諗呢度係2－3人份量，落咗青椒一齊炒。以前食呢味餸，通常都係較乾身，但呢度係仲有蜜糖汁喺底，亦都唔會好重黑椒味，少咁份香口。
值得一讚係薯仔粒滾刀切後有炸過，外皮微微酥脆，入面係綿滑薯蓉，沾上蜜糖係幾好食。牛柳粒食落異常軟腍，有啲似喺街市凍肉鋪買嚟燒嘢食嘅貨色，無牛肉應有嘅嚼勁，有少少奇怪，但好彩係唔會煎到好靭好乾～
魚湯時蔬就正路無特別～呢度晚市會有9折，不過再原價加一，所以係無平過😂
✨ 大排檔小炒✨
📍 銅鑼灣駱克道華發大廈地下A號舖
📍 灣仔天樂里2-4號號地下
⏰ 1100－1430 | 1730－2230
張貼
