影片
更多
2019-12-17
552 瀏覽
之前睇介紹話Time Square有間食花膠嘅中菜館，今日經過銅鑼灣就去試下。餐廳嘅環境寧靜，佈置優雅，燈光柔和，感覺好似去左一間高級嘅西餐廳。 我地一邊飲茶一邊揀嘢食，茶我地揀左瑰麗堂煌，即係玫瑰加荔枝紅茶，飲落陣陣花香同荔枝香味，都幾特別。 首先點左個超值孖寶 - 原隻鮑魚花膠撻+鮑汁花膠撈飯 ($68)，兩個人食我地另外單叫多隻鮑魚花膠撻 ($48)，價錢嚟講個孖寶好抵。鮑魚花膠撻隻鮑魚都唔細，質感柔軟得來有咬口，炆得入味，鮑魚鮮味十足。個撻裝住滿滿鮑汁花膠粒，煙煙靭靭。鮑汁花膠撈飯有好多花膠條，食落啖啖骨膠原，好滿足。飯是炒底的，鮑汁加入冬菇、蔬菜粒和木魚絲，每一口飯都有鮑汁的鮮和冬菇木魚的香。 跟住好吸引嘅點心日山和牛紅菜頭煎包 ($58) 亦都到左。個包紅卜卜、扁扁咁幾得意，食落個餡有黑椒、洋蔥同香濃牛肉混合嘅味道，好惹味，食完成個人暖笠笠。 之後係最期待嘅兩道菜，先係即燒無花果天下第一豬 ($188 例)，乳豬比平時食嘅更加皮脆肉嫩，肥瘦比例適中。重點是要沾上那無花果醬，這比平時食嘅海鮮醬多了清新的果香甜味，令人齒頰留香。 再嚟係唐酒花膠蟹肉蛋白 ($128)，食落有淡淡
我地一邊飲茶一邊揀嘢食，茶我地揀左瑰麗堂煌，即係玫瑰加荔枝紅茶，飲落陣陣花香同荔枝香味，都幾特別。
首先點左個超值孖寶 - 原隻鮑魚花膠撻+鮑汁花膠撈飯 ($68)，兩個人食我地另外單叫多隻鮑魚花膠撻 ($48)，價錢嚟講個孖寶好抵。
鮑魚花膠撻隻鮑魚都唔細，質感柔軟得來有咬口，炆得入味，鮑魚鮮味十足。個撻裝住滿滿鮑汁花膠粒，煙煙靭靭。
鮑汁花膠撈飯有好多花膠條，食落啖啖骨膠原，好滿足。飯是炒底的，鮑汁加入冬菇、蔬菜粒和木魚絲，每一口飯都有鮑汁的鮮和冬菇木魚的香。
跟住好吸引嘅點心日山和牛紅菜頭煎包 ($58) 亦都到左。個包紅卜卜、扁扁咁幾得意，食落個餡有黑椒、洋蔥同香濃牛肉混合嘅味道，好惹味，食完成個人暖笠笠。
之後係最期待嘅兩道菜，先係即燒無花果天下第一豬 ($188 例)，乳豬比平時食嘅更加皮脆肉嫩，肥瘦比例適中。重點是要沾上那無花果醬，這比平時食嘅海鮮醬多了清新的果香甜味，令人齒頰留香。
再嚟係唐酒花膠蟹肉蛋白 ($128)，食落有淡淡酒香，恰到好處。以這價錢，花膠厚度算是不錯，亦大塊。最佳食法係每啖都混合左花膠、蟹肉、蛋白，和配料的杞子，鮮味加上酒的幽香，回味無窮。呢間餐廳有好多唔同口味嘅花膠菜式，我覺得呢款就最可以突出到花膠嘅軟滑。
張貼
