影片
更多
2021-10-10
21 瀏覽
「不如去荃新天地睇下？果度好似好多款揀。」佢建議。「都好喎，星期日就去party啦，仲未睇岩邊件好……」「快啲啦！我地行左2個鐘啦！好肚餓呀～」佢一邊催我，一邊拉住我行。星期日係一生人一次既畢業party，當然要著靚啲啦！辛苦左4年，一定要慶祝下！果日著白色短裙好，定連身裙好呢？「就呢件啦！」掙扎左半個鐘，終於係荃新天地買左條連身裙。好彩有消費劵！行左咁耐我同好姊妹都好肚餓，就去左附近既Vici Bar食西式晚餐。一行入去見到間餐廳燈光暗暗地，好有情調，座位好寬敞，坐得幾舒服。我地叫左個田園沙律、意粉同main course.「嘩！呢個田園沙律整得好好食，本身我自己唔中意食沙律，驚啲菜太硬太乾，但呢碟完全唔會，反而食落好清甜爽口，而且同個沙律醬好夾！」我一邊食，一邊驚訝，竟然搵到咁高質既沙律。「唔錯既～入面好足料，有粟米、青瓜絲、蕃茄、羽衣甘藍～」之後就食下呢個蒜香辣大蝦意粉！「唔算好辣喎～你又試下？有6隻蝦，我地一人有3隻！哈哈哈！」佢一邊講笑，一邊食得津津有味。「意粉煮得好入味，吸收晒個意粉汁，入味得黎唔會好膩～」最後就係萬眾期待既封鴨腿！點解話萬眾期待？好多朋友都推薦，所以我地都
「都好喎，星期日就去party啦，仲未睇岩邊件好……」
「快啲啦！我地行左2個鐘啦！好肚餓呀～」佢一邊催我，一邊拉住我行。
星期日係一生人一次既畢業party，當然要著靚啲啦！辛苦左4年，一定要慶祝下！果日著白色短裙好，定連身裙好呢？
「就呢件啦！」掙扎左半個鐘，終於係荃新天地買左條連身裙。好彩有消費劵！
行左咁耐我同好姊妹都好肚餓，就去左附近既Vici Bar食西式晚餐。
一行入去見到間餐廳燈光暗暗地，好有情調，座位好寬敞，坐得幾舒服。我地叫左個田園沙律、意粉同main course.
「嘩！呢個田園沙律整得好好食，本身我自己唔中意食沙律，驚啲菜太硬太乾，但呢碟完全唔會，反而食落好清甜爽口，而且同個沙律醬好夾！」我一邊食，一邊驚訝，竟然搵到咁高質既沙律。
「唔錯既～入面好足料，有粟米、青瓜絲、蕃茄、羽衣甘藍～」
之後就食下呢個蒜香辣大蝦意粉！
「唔算好辣喎～你又試下？有6隻蝦，我地一人有3隻！哈哈哈！」佢一邊講笑，一邊食得津津有味。
「意粉煮得好入味，吸收晒個意粉汁，入味得黎唔會好膩～」
最後就係萬眾期待既封鴨腿！點解話萬眾期待？好多朋友都推薦，所以我地都忍唔住叫黎試下。
「正喎！啲肉好嫩滑，同埋配合沙律食唔會好滯。」
「啲肉好淋好易拆骨，同埋隻鴨腿都幾大隻，我地兩個女仔share岩岩好。」
最後，我地叫左個冇酒精既Happy Ending (Pineapple juice, Lime Juice, Passion Fruit Syrup, Soda Water).
「畢業後好耐冇坐係bar度傾下計～」光陰似箭，我地畢業後各有各忙，真係見面既時間都冇。
「希望你既畢業party有個happy ending啦！話時話，呢杯野飲如其名，熱情果味好香濃，而且唔會太甜，好清新，為我地呢餐畫上完美句號！」
下次同班舊同學聚會，一齊再嚟！
張貼
