慢煮工業 (已結業)

琴晚同朋友去咗太子呢間慢煮工房食晚餐，行咗上2樓經過見到有個live Band嘅setting再入到間小房，環境都幾企理有格調。在望吓個菜單，價錢都好合理，好多嘢食都係$78 ，於是大家就好盡情咁嗌。四個人嗌咗卡邦尼意粉、芝士肉醬焗意粉、豬仔胺扒、豬仔髀骨、油封鴨髀、紐約芝士蛋糕、士多啤梨特飲同凍咖啡牛奶。整體食物都係水平之上，冇特別難食嘅嘢食。我自己最鍾意就係豬仔髀骨，燒得好香口再配上芥末醬真係好合拍。第二就係芝士肉醬焗意粉，估唔到咁普通嘅一個意粉都會咁有驚喜，味道香濃同啲連鎖快餐店真係冇得比。第三就係黑松露薯條，個將係蛋黃醬上面再放咗大量嘅黑松露，薯條揸得香脆，果然係一個不敗組合。呢三樣絕對值得encore，下次再試埋其他嘢食先。